Berger, Esdrelon di na mopiyansa

CEBU, Philippines - Giatras kagahapon nila ni Karen Esdrelon ug Sven Erik Berger ang ilahang petition to bail tungod kay huwaton na lang nila ang desisyon sa piskaliya sa pagbasura sa kasong gipasaka batok kanila.

Si Atty. Salvador Solima, abogado nila ni Esdrelon ug Berger nagkanayon nga ilaha na lang huwaton ang resolusyon gikan sa piskaliya ug masaligon siya nga ang resolusyon sa piskaliya pabor sa iyang mga kliyente.

Apan ang kampo sa mga pamilya ni Ellah Joy naglaom nga makabaton og hustisya ang kamatayon sa bata ug nagtuo gyud sila si Esdrelon ug Berger maoy responsable sa kamatayon sa biktima.

Matud ni Renante Pique, amahan sa biktima nga buot nilang adto sa korte ma-dismiss ang kaso ug dili sa piskaliya

Base sa report sa ABS-CBN News ang Norwegian national nga si Berger nasagmuyo tungod kay gikapoy na kini sa kalangan sa resolusyon sa ilang kaso.

Si Berger ug Esdrelon hugtanong miinsister nga inosente sila sa mga pasangil batok kanila ug gani nakapakita sila og mga ebidensiya pagmatuod nga sila inosente. - BANAT NEWS