CEBU, Philippines - Patay diha dayon ang usa ka seaman human misampak ang iyang gimanehong motorsiklo sa haligi sa taytayan kagahapon sayo sa buntag diha sa taytayan sa barangay Bulacao siyudad sa Sugbu.
Si Romeo Villanueva nga taga Sabellano St., sa barangay Pardo wala na madala pa sa tambalanan human nahiagom og dakong kadaut sa iyang kalawasan ug ulo nga maoy nakaingon sa iyang hinanali nga kamatayon.
Subay sa imbestigasyon ni PO3 Edgardo Becoy sa Traffic Division si Villanueva nagmaneho sa iyang motorsiklo paingon sa Tabunok apan sa iyang pag-abot sa taytayan kalit misaka sa gutter ang iyang motorsiklo.
Nalahos kini og kabangga sa haligi sa taytayan ug nalamba pa gyud kini sa gutter hinungdan sa iyang pagkalagpot og 10 metros ang distansya gikan sa iyang motorsiklo.
Nagtuo ang imbestigador nga nakatagpilaw kini. (BANAT NEWS)