ABET award sa USJR gipaabot

CEBU, Philippines - Naghinam-hinam na ang mga estudyante sa USJR alang sa gipaabot nilang 10th ABET awards karong sunod semana.

Kini samtang gipasalida na usab   ang ilang short film, ug music video   adlaw-adlaw sa lobby sa USJR.

Kining mga pelikulaha nga gisalida, pulos mga produkto sa mga estudyante   sa maong tulunghaan.

Unya Sinugboanon ang gigamit nilang pinulongan sa ilang short film ug music video aron sa pagpalig-on sa pinulungang Binisaya alang sa kulturang Sugboanon.

Ang ABET awards night ipahigayon karong umaabot nga Pebrero 18, 2011 sa Center for Performing Arts sa USJR sa alas 5:00 sa hapon diin ang tanang motambong giawhag nga magsul-ob og RETRO.  - BANAT NEWS