Mipatay sa konduktor mitahan na

CEBU, Philippines -Misurender kagahapon sa buntag ang kriminal nga midunggab patay sa usa ka konduktor sa PUJ didto sa eskina Sunny Hills sa barangay Talamban siyudad sa Sugbo sa miaging semana.

Si Fedirico Limoran, 36, minyo, nga taga sitio Hillside barangay Talamban misurender kang Insp. Delfin Buntoyan.

Ang maong suspek mitug-an kang Bontuyan nga una niya lubaa si Jerlan Iba   ang konduktor sa jeep pasaheroan nga nagbiyahe-an ngadto sa Talamban, giingong naglakaw siya niadtong higayona paingon sa Rico’s Lechon aron magkuha sa iyang gi-order nga sha-i.

Apan gikalitan siya og sukmag sa tangkugo ni Iba ug tungod kay nakalitan siya iyang gidunggab sa makadaghang higayon ang biktima nga maoy hinungdan sa kamatayon niini.

Human niya mapatay ang biktima milayas siya ngadto sa barangay Camputhaw ug pagkasunod adlaw milarga siya ngadto sa Bohol.

Unya mibalik siya nganhi sa dakbayan sa Sugbo aron motahan ngadto kang Bontuyan nga iyang kaila.