Proyekto sa Lapulapu ipatuman

CEBU, Philippines - Gikatakdang ipatuman ni Mayor Paz Radaza sa dakbayan sa Lapulapu ang mga giplano niining dagkong proyekto sugod sa bulan sa Pebrero niining tuiga.

Kini ang nasayran sa Banat News kang Association of Barangay Council Federation President (ABC) Leo Mercado kinsa nagkanayon nga nag-una sa maong mga proyekto mao ang bag-ong ihawan sa parangay Pusok, isunod ang tourism building, ABC building, ug road concreting sa isla sa Olango.

Gitataw ni Mercado ang katumanan niining tanan karong tuiga ilabi na ang kuwarta nga igasto niini maggikan sa pundo sa dakbayan ug sa congressional fund usab ni Kongresista Arturo Radaza sa Lapulapu lone district. (BANAT NEWS)