Polis sa Danao imbestigahon

CEBU, Philippines - Nasuta nga may kalapasan ang polis nga nadestino sa dakbayan sa Danao sa kapakyas pag-blotter niini sa $ 6 mil US dolyares nga giuli sa inahan sa menor de edad nga mikawat sa maong kuwarta gikan sa balay sa pamilyang Munoz sa maong dakbayan niadtong Nobiyembre 28 sa miaging tuig.

Tungod niini si SPO1 Castor Laurel sa Danao Police Station girekomendar nga ipaubos sa pre-charge investigation.

 Si SPO2 Kenneth Abella sa Investigation and Detective Management Branch mibutyag nga may nakita silang probable cause nga angay gyud ipailawom sa imbestigasyon si Laurel ug sugdan dayon kini inig-abot dinhi ni Sr. Supt. Erson Digal gikan sa Camp Crame.

Matud ni Abella nga serious neglect of duty ang gibuhat ni Laurel nga wala ibutang sa blotter ang $6 mil US dolyares nga gikawat sa suspetsadong si Clint Casas, 15 anyos. (BANAT NEWS)