Mga night dwellers sa siyudad hipuson papaulion sa probinsya
CEBU, Philippines - Gisugdan na karon sa Squatters Prevention Encroachment Elimination Division (SPEED) ang ilang pagtuki aron mapauli na sa tagsa-tagsa nila ka mga lugar ang mga “night dwellers.”
Sumala pa niya nga kapin sa 500 ka mga night dwellers ang naa karon sa siyudad ug gani ila kini gipapuyo sa napulo ka container vans niadtong panahon sa Sinulog.
Katambayayong sa Speed ang Cebu City Anti-Mendicancy Task Force (CCAMTF) sa pagsulbad sa problema sa mga “night dwellers.”
Sumala pa sa hepe sa CCAMTF nga si Isabelita Ganub nga kanunay karon ang pag-roving sa ilang mga tawo aron ‘ma-rescue’ ang mga tawo nga naglaroy-laroy lang sa kadalanan diin kasagaran niini mga bata.
Dugang pa niya nga iyang ipatawag ang mga ginikanan sa bata aron mapahimoan sa ilang responsibilidad sa pag-atiman sa ilang mga anak.
Aminado hinuon si Ganub nga dunay ubang mga bata ang motago kung mangabot na ang iyang mga sakop hinungdan nga kanunay ang gibuhat nila karon nga surpresa nga mga operasyon.
Gipadayag hinuon ni Ganub nga dunay nagkadaiyang programa ang siyudad alang sa mga residente sa siyudad nga moresulta sa pagkaminos na sa mga night dwellers.
Sumala pa niya nga dunay mga livelihood programs ang siyudad aron mapalambo ang mga talento sa Sugbuanon partikular na sa pagdumala og ginagmay nga negosyo. - BANAT NEWS
- Latest
- Trending
