La' Norte contingents malaumon

CEBU, Philippines - Usa sa angayang atangang contingents sa Sinulog Grand Parade mao ang gikan sa Lanao Del Norte nga ikatulong higayon nang misalmot sa kasaulogan sa pista ni Senyor Santo Niño diha sa Sinulog.

Si Gob. Mohammad Khalid Dimaporo, nga usa ka Muslim, mibutyag nga positibo siya nga ang pagsalmot sa Sinulog ug pagsuporta niini maoy usa sa mga pamaagi aron ila usab nga ma-promote ang ilang lugar isip usa ka malinawong lugar.

“Cebu City is a venue for us to tell the world that our place is peaceful contrary to the negative connotation about Mindanao. Lanao del Norte is land of beauty and bounty one way of showcasing that is by joining this event,” pasabot pa ni Dimaporo.

Nasayran nga ang Lanao del Norte adunay 256 ka mga sakop lakip na niini ang government officials ug committee ug 119 niini ang mga dancers, drummers ug propsmen. Niadtong tuig 2009 sila nagsugod og apil ug nakadaog isip Best in Costume, 3rd runner up usab sila sa free-interpretation category ug 2nd place sa street dancing.

Samtang sa miaging tuig, nakakuha na usab sa ikatulong lugar ang Lanao Del Norte sa free-interpretation category ug ang ilang Miss Sinulog nadaog usab isip 4th runner up.

Matud pa ni Dimaporo nga madasigon silang makadaog karun nga tuig apan ila gihapong dawaton kun unsay pagbuot sa Labaw’ng Makagagahom.

Ang Lanao Del Norte Tourism Officer nga si Minda Regis mibutyag nga migahin sila og P3.6 milyones sa ilang pag-apil sa maong kalihukan, mas dako kini og P700 mil sa miaging tuig nga P2.9 milyones.

“The leadership of Lanao del Norte is giving equal treatment to both the Muslims and Christians that is why there is peace in our province. Lanao del Norte is peaceful province,” matud pa ni Dimaporo. (BANAT NEWS)