PPTA nakigtagbo ni Gwen

CEBU, Philippines - Nakigtagbo kang Gobernador Gwendolyn Garcia ang mga opisyales sa Provincial Parent Teacher Association (PPTA) kay nagpakisayod sila bahin sa mga programa nga gipatuman sa gobernador sa mga publikong tulunghaan dinhi sa lalawigan sa Sugbo.

Usa sa ilang tinguha nga aron makatabang sila sa maong mga programa sa gobernador.

Nalakip sa maong programa mao ang pagpalapad pa sa E-GWEN project nga gisalmotan na usab sa mga pribadong mga kompanya, scholarship program, maintenance sa mga publikong tulunghaan ug uban pa.

Sa pagkakaron daghan na ang mga epektibong programa sa gobernador sa mga tulunghaan sa lalawigan nga napahimuslan na sa mga kabataan.  - BANAT NEWS