CEBU, Philippines - Adunay ipahigayong re-routing sa mga sakyanan tungod sa grand parade sa Sinulog sa Kabataan-Lalawigan sa Sugbo 2011 nga pasiugdahan karong alas-12 sa udto.
Ang parada magsugod sa Capitol Site padulong sa Cebu City Sports Center mag-agi sa Osmeña Boulevard.
Ang pasaheroan nga adunay rotang 03B, 03D, 21B ug 22B ngadto moagi sa F. Ramos Street liko sa tuong bahin padulong Junquera Street, liko usab padulong Sanciangko Street hangtod sa Osmeña Boulevard ug subay sa ilang naandang rota.
Ang mga pasaheroan adunay rotang 04B, 04D, 04E, 04H,14D, 17B ug 17D anha na mosubay sa Gorordo Avenue, General Maxilom Avenue, F Ramos Street, Junquera Street padulong sa Sanciangko Street hangtod sa downtown area.
Samtang ang rotang 14D ngadto moagi sa Colon Street padulong sa Mabini Street dayon sa V. Gullas Street nga maoy naandang rota niini.
Ang pasaheroan nga jeepney nga adunay Route Nos. 14B and 15 ngadto usab moagi sa Gov.Roa Street, Maria Cristina Street, Juana Osmeña Street, General Maxilom Avenue, F. Ramos Street, Junquera Street padulong sa Sanciangko Street ug padulong na sa ilang kanunay nga rota.
Samtang ang rota sa mga jeepneys nga 06B, 06C, 06D, 06E, 06f, 07B, 07C, 07D, 07E ug 07H ngadto na moagi sa V.Rama Avenue, N. Bacalso Avenue, Osmeña Boulevard human balik sa ilang rota.
Ang rota sa 12L ug 06H magikan sa V. Rama Avenue, N.Bacalso Avenue, Osmeña Boulevard kutob nalang sa Escario Street. (BANAT NEWS)