Nagtangkil og armas gipriso

CEBU, Philippines - Natingkagol sa Talisa City detention cell ang usa ka 26-anyos nga lalaki kinsa giingong nasakpan sa usa ka polis nga nagdala og pusil atol sa bag-ong tuig didto sa sitio Ilang-ilang, barangay Lagtang sa maong dakbayan.

Ang suspetsado mao si Kenny Bacus Ocariza, 26, nga molupyo sa maong dapit ug kasong illegal possession of firearm ang giatubang nga kaso niini. Ang nakasikop kaniya mao si SPO3 Aldolfo Morales silingan sa suspetsado ug polis nga nadestino sa Mambaling Police Station.

Naimbargo ni Morales gikan kang Ocariza ang usa ka kalibre .22 nga revolver nga adunay tulo ka buhing bala.

Si Ocariza gidala ni Morales sa Talisay City Police Station sa barangay Poblacion ug dihang gisukit kini ni SPO3 Cleofas Bonjoc, duty jailer sa detention cell puwerting nakapanghimakak sa maong suspetsado batok sa mga pasangil kaniya. - BANAT NEWS