Giluba sa kaaway

CEBU, Philippines - Patay ang usa ka lalaki human unaya sa pagdunggab sa iyang silingan niadtong Huwebes sa gabii diha sa sitio Kwadra, barangay Lagtang, dakbayan sa Talisay.

Ang biktima giila ni PO1 Jundave David nga si Julius Rabago, residente sa maong dapit nakaangkon og samad dinunggaban sa tuong bahin sa dughan daling gidala ngadto sa Talisay City District Hospital apan tungod sa iyang kahimtang gibalhin ngadto sa Vicente Sotto Memorial Medical Center apan wala na makaabot nga buhi diha sa maong tambalanan. Ang suspetsado mao si Bonifacio Felosas, 50-anyos, residente usab sa maong lugar kinsa misibat human sa hitabo ug padayon pa kining gipangita sa mga polis.

Si PO2 Leandro Azarcon sa Talisay City Police Station nga nahinabi sa Banat News kagahapon mibutyag nga ang suspetsado ug ang biktima duna nay daang mga bangi. (BANAT)