P120 mil nasakiyo sa kawatan

CEBU, Philippines - Nagtibi ang usa ka babaye nga misumbong sa kapolisan human sakiyoha sa wala hiilhing kawatan ang P120,000 niyang salapi human lungkaba ang iyang   balay didto sa barangay Pusok, dakbayan sa Lapulapu sa miaging hapon.

Ang biktima mao si Ellen Acha, hingkod nga taga Pusok.

Si PO3 Elmer Canillo sa Lapulapu City Police mibutyag sa Banat News nga nangompra ang biktima sa dakbayan sa Sugbo dihang pag-abot niya sa iyang balay, abli na ang pultahan niini.

Nasayran sa biktima nga didto agi sa luyong bahin sa iyang balay ang kawatan ug ang iyang salapi nga gisulod sa drawer maoy girumbo niini.

Sa pagkakaron padayon pang   gipangita sa kapolisan ang kawatan. (BANAT)