CEBU, Philippines - Nahidangat sa Talisay District Hospital ang usa ka lalaki human kini giingong gipabuthan og lantaka pasado alas-10 sa miaging gabii sa barangay Nunoc Tabunok syudad sa Talisay.
Ang biktima nailhan nga si Loreto Adlawan Pacubas, 50, molupyo sa Ruiz Compound Tabunok samtang ang suspetsado nailhan nga si Baltazar Cosene Jr., 27, molupyo sa maong lugar.
Sa pakighinabi sa Banat News sa desk officer sa Talisay Police Station mibutyag nga ang igsuon sa biktima nga sa Asterio maoy personal nga nagpa-blotter sa maong insidente.
Matud pa ni Dacua base sa gibutyag ni Asterio nga padulong na kining mopauli dihang gipabuthan siya sa suspek sa gikuptan niining lantaka sa iyang tuong tiil.
Sa pakighinabi sa Banat News sa gwardiya sa TDH nga si Felicisimo Tibay Jr. mihulagway kini sa biktima nga maayong pagkahuboy sa tiil niini ug naglisod sa paglakaw.
Butyag usab ni Dacua nga posibleng adunay kalagot ang suspetsado ngadto sa biktima nga maoy nagtukmod niini sa pagpabuto sa maong lantaka. (BANAT NEWS)