Gidid-an mangayo
CEBU, Philippines - Gipahimangnoan ni Cebu City Fire Marshal Supt. Anderson Comar ang iyang mga sakop nga gidili ang pagpangayo og regalo ilabi na ngadto sa mga negosyanteng nanag-iya og establisemento nga ilang mainspeksiyon.
Kini nunot sa pagpakatap sa Cebu City fire department og mga inspektor sa mga establisemento aron pagpatuman sa Fire Code.
Mibahad si Comar nga kun dunay iyang mga sakop nga masakpan nga mangayo og pinaskuhan pahamtangan kini og silot ug mahimo pang mapasakaan og kasong administratiba.
Apan giklaro ni Comar nga kun dunay ihatag mahimo kining dawaton sa iyang mga sakop.
Labaw nang gidid-an ang mga sakop sa kabomberohan pag-solicit alang sa gastuhan sa pagpahigayun og mga party.
Nanawagan usab si Comar sa publiko nga magmatngon ug mag-amping karong Pasko aron malikayan ang mga aksidente sama sa sunog. (BANAT NEWS)
- Latest
- Trending
