Pabuto gidisplay gawas sa SRP

CEBU, Philippines - Gipangangkon ni Cebu City Market Administrator Raquel Arce nga alerto karon ang ilang grupo sa pagpangdakop sa mga tawo nga nagpataka og pamaligya og pabuto apan pipila gihapon sa maong mga vendors ang makit-an diha sa mga kilid-kilid sa Carbon Market.

    Si Arce miingong nga dunay mga badlungong mga vendors nga padayong namaligya niini sa tinago-tago nga paagi ug ilaha silang gipanid-an.

   Ang pagpamaligya og pabuto gidili na bisan asang dapita sa downtown Cebu City ug ubang pangpublikong lugar ug ang South Road Properties (SRP) ra ang gitaganang lugar aron makapamaligya niini.

    Miabot ngadto sa 50 ka mga mamaligyaay og pabuto ang nakapuwesto karon sa SRP ug nagkanayon si Arce nga dili na sila modawat pa og mga bag-ong aplikante .

     “Katong mga tawo nga nagplano nga mamaligya og fire crackers, tambag nako nga ayaw na lang kay dili na mi modawat. Kay sa miaging seminar alang sa mga mamaligya og pabuto, 50 ra gyud ang nakapasar,” sumala pa ni Arce.

Kahinumduman nga giila sa siyudad ang SRP isip usa ka dapit nga haom aron makabaligya og mga firecrackers diin tumong