Ceasefire una: Sanchez ngadto ni Gob. Garcia

CEBU, Philippines - Mideklarar og ceasefire si Bise-Gob. Gregorio Sanchez, Jr. tali sa ilang away ni Gob. Gwendolyn Garcia atol niining pagsaulog sa Pasko.

Ang ceasefire molungtad hangtud sa Enero 6 atol sa Tulo ka Hari sumala pa ni Sanchez.

Matud pa ni Sanchez nga dunay dakung panghitabo sa Kapitolyo human sa ceasefire ilabi na sa 2011 annual budget nga pasado na sa Hunta Probinsiyal bisan pa sa iyang pagbabag.

Samtang si Garcia miingon nga og mao man lang na nga hangtud ra sa Enero 6 nga ceasefire, maayo pa og wala nalang.

Matud pa ni Garcia nga iya nalang pasagdan si Sanchez ug ang mahinungdanon nga nagbuhat siya sa matarong.

Si Capitol consultant, manlalaban Rory Jon Sepulveda, miingon usab nga kung maoy tumong ni Sanchez, dili niya kini mamandaran, mabut-an ug masultihan.

Matud pa ni Sanchez nga dunay sipyat si Garcia sa paghimo sa annual budget nga tukma sa graft and corruption. (BANAT NEWS)