CEBU, Philippines - Si Gov. Gwen Garcia mihatag og P2 milyones nga kantidad sa pinaskohan ngadto sa League of Municipalities of the Philippines (LMP) Cebu Chapter atol sa Christmas party sa LMP sa miaging adlaw.
Ang maong kantidad gitunol sa gobernador ngadto kang Mayor Nelson Garcia, ang presidente sa LMP, Cebu Chapter. Si Mayor Garcia ug ubang mga mayor miisip sa maong pinaskohan nga maoy buhing handumanan sa maayo ug dili hitupngan nga pagdumala ni Gov. Garcia sa lalawigan.
Ang presidente sa lega sa mga mayor sa lalawigan sa Sugbo mitumbok nga ang maong gahin ilang gamiton alang sa programa nga ipatuman sa lega ilabina sa ilang mga kalihukan. (BANAT)