CEBU, Philippines - Ang biktima mao si Benidecto Dimaolao Abing, 56, minyo, nga taga Mactan.
Si PO3 Dioscoro Arong sa Crime Against Person sa Lapulapu Police Office (LLPO) miingon nga naglakaw gikan sa iyang barbekyuhan ang biktima paingon sa ilang balay dihang gitaroyan sa usa ka saag nga bala ang iyang tuong tiil.
Nakurat nalang ang biktima kay mibinhod ang iyang tiil ug mitabisay ang dugo busa gidali siya paghatod ngadto sa Vicente Sotto Memorial Medical Center sa dakbayan sa Sugbo.
Matud pa ni PO3 Arong nga ang biktima igo lang nakabati og buto sa armas de fuego apan wala siya makakita sa nagpabuto.Nagtuo ang kapolisan nga wala tuyoa pagpusil ang biktima kundi natugpahan lamang kini sa saag nga bala ug padayon pa nilang gipanid-an karon ang nagpabuto sa armas. (BANAT)