57-anyos nga hubog naligo nalumos

CEBU, Philippines - Patay nang nakit-an ang usa ka 57-anyos nga lalaki nga gituohang hubog nga nag-inusarang naligo sa swimming pool sa barangay Poblacion sa lungsod sa Alcantara niadtong Huwebes sa alas 2:00 sa hapon.

Ang namatay mao si Pastor Lamosao, 57 , minyo, nga taga Alcantara.

Si SPO1 Artemio Cababat sa Alcantara Police Station mibutyag sa Banat News nga ang biktima kinsa naila na sa maong lugar nga palahubog walay kauban nga naligo sa swimming pool.

Mao nalay nadiskobrihan sa mga tawo sa palibot nga naglutaw na sa tubig nga wala nay kinabuhi ang biktima human kini maglangoylangoy sa swimming pool.

Dali kining gitabang ug gihatud sa Badian District Hospital sa lungsod sa Badian apan gideklarar nga dead on arrival. Gituohan nga pagkalumos ang hinungdan sa kamatayon sa biktima samtang gisalikway ang posibilidad nga dunay foul play ang iyang kamatayon. (BANAT NEWS)