Guardians magsaulog

CEBU, Philippines - Ang Guardians Brotherhood Incorporated Mainstream magsaulog sa ilang ika-26 nga Founding Anniversary ugma, December 12, 2010 sa Zapatera Barangay Hall, sa dalan Jakosalem, ning dakbayan sa Sugbo.

May tema nga “Guardians Soaring High” , ang maong kasaulogan himoong mabulokon pinaagi sa pagpahigayon og motorkada human sa misa sa alas 9:00 sa buntag nga motuyok ngadto sa dakbayan sa Mandaue dayon balik nganha sa Zapatera Barangay Hall diin anha usab maniudto. Pipila sa mga dinapit nga mamumulong mao sila si Modesto “ NF” Spike Bajenteng ug Police Chief Inspector Michael Bantes, hepe sa Fuente Police Station. – BANAT NEWS