Nagpusil sa iyang ulo patay

CEBU, Philippines - Buak ang ulo sa usa ka 53-anyos nga lalaki human kini giingong nag-unay og pusil sa iyang kaugalingon gamit ang kalibre .45 nga pistola sa pinuy-anan niini sa barangay Buenavista lungsod sa Carcar atol usab sa kasaulogan sa fiesta sa maong lugar niadtong Miyerkules sa alas 7:40 sa gabii.

Ang namatay mao si Pablito Mansira, 53, molupyo sa nahisgutang lugar.

Matud ni PO1 Rosendo Benondo sa Carcar Police Station dihang nahinabi sa Banat News subay sa imbestigasyon nila ni SPO2 Jorame Tanodtanod atol sa pakighinabi sa naulahi sa mga kabanay ni Mansira mikalit kini og sulod sa kwarto niini ug dangtan og pipila ka gutlo usa ka sipang buto sa armas ang ilang nadunggan.

Dihang ilang gisusi nagbuy-od na ang biktima nga naglunang sa dugo tungod sa pinusilan sa ulo ug naggunit pa sa pistola, dali nilang gihatud sa Carcar District Hospital si Mansira apan gideklarar kini sa mga doktor nga patay na.

Dugang nahipos nga impormasyon sa kapolisan giingong makadaghan nang higayong misuway pagtapos sa iyang kinabuhi ang maong lalaki sa

 higayun nga mahubog, apan wala pa matino ang hinungdan. - BANAT NEWS