9-anyos napatay sa papa

CEBU, Philippines - Pagduwa og armas mobuto sa amahan miresulta sa kamatayon sa 9-anyos niining anak diha sa isla sa Pangan-an, sa Olango dakbayan sa Lapulapu sa milabay’ng gabii.

Ang biktima mao si John Ompad , 9, residente sa maong dapit samtang ang gitumbok nga aksidenteng nakapusil kaniya mao ang amahan niining si Wilson.

Base sa imbestigasyon ni PO1 Arthur Flores sa kapolisan sa isla sa Olango nga mga alas 6:00 sa milabay’ng gabii hubog ang suspek nga nauli sa ilang panimalay.

Matud pa nga gikuha sa suspek ang kalibre .38 ug giduwaan kini apan kalit nga miduol ang biktima ug gikomedyahan og tion sa maong armas ang ulo sa anak apan wala damha nga kalit kining nakablitan sa suspek.

Ang biktima nga naigo diha sa iyang ulo gidali og dala sa Olango District Hospital apan tungod sa kagrabe sa samad gidali kini og dala luwan sa Sea Ambulance ug gidala sa mainland sa dakbayan sa Lapulapu. - Bong Soriano ug Romeo Limpangog (BANAT NEWS)