CEBU, Philippines - Mibalik pagsaka ang gidaghanon sa kaso sa diarrhea sa dakbayan sa Danao gikan sa 106 ngadto na sa 146 kagahapon sugod niadtong Martes.
Sa report sa TV Patrol Central Visayas ang City Health sa Danao mibutyag nga adunay mga bag-ong mga barangay nga nataptan sa maong sakit nga gilangkuban niini ang barangay Looc, Suba, Sabang, Poblacion, Binaliw ug Cogon Cruz.
Misamot og kahuot ang district hospital tungod sa padayon nga pagsaka sa kaso sa gikalibanga.
Si Regional Epidemiologist nga si Rene Cimafranca mibutyag nga nagkuha na usab sila og sample nga mga tubig sa maong barangay aron ma-monitor ang kalimpyo niini.
Matod pa niya nga gikinahanglan nga pabukalan gyud ang mga tubig nga ilimnon sa mga molupyo sa mga lugar nga apektado sa diarrhea. Ang siyudad sa Danao, nipalit og bag-ong chlorinator aron pag-purify sa tubig sa mga barangay. (BANAT NEWS)