Milugos sa dalagita gikasohan

CEBU, Philippines - Gipasakaan na og kasong pagpanglugos kagahapon sa buntag ang 30-anyos nga lalaki kinsa gipasanginlang milugos sa 15-anyos nga dalagita sa barangay San Roque, dakbayan sa Talisay.

Ang suspek nga si Angelito Oros, minyo, nga taga San Roque giingong milugos sa nahisgutang dalagita samtang natulog kini sa usa ka payag.

Ang biktima mibutyag nga gipasidan-an siya sa suspetsado nga dili pasumbongon ngadto sa iyang inahan apan ang dalagita misumbong sa iyang amo sa nahitabo kaniya.

Si Kagawad Rafael Chan uban sa duha niya ka tanod maoy misikop sa suspetsado, kinsa mitugyan sa maong mga dinakpan ngadto sa kapolisan. – BANAT NEWS