CEBU, Philippines - Usa ka drayber sa traysikad kinsa gituohang giatake sa altapresyon napalgang patay sa laguna sa sitio Lib-og, barangay Linao, lungsod sa Daanbantayan sa miaging adlaw.
Siya si Timson Coyoca, 42, may kapuyo, ug usa ka drayber sa traysikad nga taga Lib-og.
Sumala ni PO2 Akfredo Mandal sa Daanbantayan Police Station nga si Coyoca, wala nay kinabuhi nga napalgan sa mga silingan apan wala usab kini mga samad sa lawas nga timailhang gipatay pagtuyo.
Nasayran sa kapolisan gikan kang Rowena Rodrigo, kapuyo ni Coyoca nga dugay nang nag-antos ang naulahi sa sakit nga hypertension.
Sa miaging adlaw giingong gisakitan kini sa dughan, ug nakurat si Rodrigo dihang gipahibawo siya sa ilang mga silingan nga wala nay kinabuhi si Coyoca ug gituohan niya kining giatake sa iyang sakit. – BANAT NEWS