Sugbo kuwang og polis
CEBU, Philippines - Ang National Police Commission (NAPOLCOM) nakakita og dakong kuwang sa kapolisan dinhi sa Sugbo human sa ilang gipahigayong Annual Inspection sa Cebu City Police Office (CCPO) sa miaging buntag.
Sa pakighinabi sa Banat News ni Police Ins.Salvador Belo sa NAPOLCOM Region 7 kini mibutyag nga gitutokan nila karon kung unsaon ang pagsulbad kining maong problema.
Sa populasyon nga natala sa NAPOLCOM sa miaging Disyembre, ang dakbayan sa Mandaue adunay 29 ka Police Commissioned Officers (PCO) ug 278 ang Non-Commissioned Police Officers (PNPO).
Ang dakbayan sa Sugbo adunay 61 ka PCO ug 722 ka PNCO, Lapu-Lapu adunay 25 CPO ug 207 ka PNCO, samtang ang lalawigan sa Sugbo adunay 79 ka PCO ug 1,346 ka PNCO.
Miingon si Belo kining gidaghanona sa mga opisyal sa kapolisan kuwang kaayo. (BANAT)
- Latest
- Trending
