Gwen gihukman na, nasagmuyo
CEBU, Philippines - Nasagmuyo si Gob. Gwendolyn Garcia sa mga taho nga gihukman na siya nga sad-an sa isyu sa pagpalit sa luna sa mga Balili sa lungsod sa Naga.
Matud pa ni Garcia nga wala pa’y kaso nga napasaka sa hukmanan batok kaniya ug ubang opisyal sa Kapitolyo.
Ang report sa buhatan sa Ombudsman nagkanayon nga sila si Garcia ug kaubanan ipaubos sa pormal nga imbestigasyon human sa fact-finding investigation.
Lakang nga gihangop sa gobernador aron matubag niya ang tanang pasangil.
Nunot niini si Garcia mipahimangno sa mga tigbalita nga tun-an sa iyang mga abogado ang nanggawas nga taho alang sa posibleng lakang nga ilang himoon.
“I will take necessary action to protect my name,” nagkanayon si Garcia.
Matud pa ni Garcia nga samtang imbestigasyon pa ang himoon sa Ombudsman, sama sa gihukman na silang sad-an sa media, nga maoy nakapasagmuyo sa gobernador. (BANATNEWS)
- Latest
- Trending
