CEBU, Philippines - Usa ka fetus ang napalgan sa 18-anyos nga trabahante sa usa ka plastic factory didto sa sitio Pang-pang, barangay San Isidro, dakbayan sa Talisay sa miaging adlaw.
Si Felix Paran, taga barangay Lanas, dakbayan sa Naga ug kawani sa ISJ Plastic Center maoy nakadiskubre sa nahisgutang fetus nga gisulod sa usa ka basiyong botelya sa mineral water.
Nasuta kini nga usa ka babaye nga gibana-banang nagpangidaron gikan sa unom ngadto sa pito ka buwan ug gidala ngadto sa Saint Francis Funeral Homes sa barangay Bulacao, Talisay.
Ang ISJ Plastic Center mamalit og mga scrap nga plastic nga ilang dugmokon lakip na niini ang mga basiyo sa mineral water.
Si Glenn Cabusas nga usa ka job order sa Talisay City Hall maoy misumbong dayon ngadto as kapolisan sa dakbayan.
Sila si PO2 Leandro Azarcon ug PO1 Rosauro Pasumala maoy miresponde dayon sa maong alarma. (BANATNEWS)