Namista giluba

CEBU, Philippines - Naglunang sa kaugalingong dugo ang usa ka manindahay og balot human kini gidunggab sa wala pa mailhing mamumuno kagahapon sa kaadlawon sa sitio Baas barangay Taytayan lungsod sa Bogo. Ang biktima nailhan nga si Herminigildo Montecillo Arcillas, 47, molupyo sa barangay Dakit sa maong lungsod samtang gipangita pa sa kapolisan ang wala mailhing mamumuno.

Sa pakighinabi sa Banat News ni SPO3 Allan Dosdos, mibutyag nga base sa ilang nasayran ang biktima namista sa maong lugar ug nakainom apan tungod sa tumang kahubog nagmaoy kini.

Apan pipila ka mga minutos ang nakalabay nakit-an nalang ang biktima nga naglingkod sa usa ka bangko ug kalit natumba nga nagkadugo ang lawas ug namatay diha-diha. Dihang gisusi sa mirespondeng mga polis aduna kini samad dinunggaban sa walang bahin sa dughan. Ang kapolisan nagsusi pa sa hitabo. (BANATNEWS)