CEBU, Philippines - Gihangop ni kanhi bokal Victor Maambong ang pagpasaka sa kasong kriminal sa pagpalit sa Kapitolyo sa luna sa mga Balili sa lungsod sa Naga.
Apan matud pa ni Maambong andam niyang tubagon ang maong kaso atol sa pormal nga imbestigasyon sa buhatan sa Ombudsman.
Matud pa ni Maambong nga wala nakita sa mga imbestigador ang ilang paningkamot sa dihang gihimo pa ang fact-finding inquiry.
Si Maambong sakop sa Hunta Probinsiyal sa Sugbo nga maoy naghatag og katungod kang Gob. Gwendolyn Garcia sa pagpalit sa luna balor og P99 milyones.
Nakakita og igong sukaranan ang Ombudsman sa pagpasaka sa kasong kriminal ug administratiba batok sa mga opisyal sa Kapitolyo nga gipanguluhan ni Gob. Gwendolyn Garcia ug Bise-Gob. Gregorio Sanchez, Jr. ug mga bokal.
Sama sa pamahayag sa tigpamaba sa Kapitolyo, Atty. Rory Jon Sepulveda, pinaagi sa lakang sa Ombudsman, mahatagan og higayun ang tanang nalambigit sa kaso sa pagpanalipod sa tagsatagsa nila ka kaugalingon. (BANAT NEWS)