2 tulisan nadakpan

CEBU, Philippines - Duha ka suspetsadong tulisan ang nadakpan human manulis kagahapon sa dalan G. Gaisano sa baranggay Tejero pasado alas 8:00 sa kagabhion.

Ang biktima sa maong pagpanulis mao si Marlyn Ceniza, 33, molupyo sa Bontures sa barangay Basak San Nicolas apan gidemalas ang mga tulisan human sila madakpi.

Ang duha giilang si Jenesis Ares, 21, kinsa nadakpan human sa pagpanulis samtang mitahan usab sa barangay kapitan sa Tejero si Ricky Salidaga, 20, molupyo sa Villagonzalo 2, baranggay Tejero samtang gipangita pa ang usa ka giila lang sa pangalan nga “Georgia.” Matud sa kapulisan sa Waterfront Police Station ang biktima misakay og PUJ nga 22A hangtud Metropolitan Cathedral dihang kalit nga mideklarar og tulis ang tulo.

Sa kahadlok sa biktima wala na kini mosukol dihang gikuha ang iyang cellphone ug pitaka uban sa mga importante niyang mga ID.  – BANAT NEWS