Drayber sa taksi gipatay

CEBU, Philippines - Usa ka call center agent ang nadunggaban kagahapon diha sa atubangan sa usa ka department store sa dalan Archbishop Reyes Avenue sa barangay Banilad sa kaadlawon.

Ang biktima mao si John Martin Paradela Estrera, 23, nagpuyo sa barangay Tabunok sa dakbayan sa Talisay ug ang wala mailhing tawo nga midunggab kaniya gihulagway lang nga may gitas-ong 5’6.

Base sa imbestigasyon sa Homicide Section ang biktima makigkita unta sa iyang higala sa usa ka fastfood restaurant sa maong dapit apan wala moabot ang iyang kasabot maong naka-desider nga mopauli.

Apan samtang nagpaabot og masakyan kalit kining giduol sa usa ka tawo dayong dunggab sa walang bahin sa iyang lawas.

Ang biktima bisan samaron daling nakapara og taksi ug nagpahatud sa sa Perpetual Succour Hospital ug luwas na ang kahimtang samtang wala na maabti pa ang gitahapan sa mga mirespondeng polis. (BANATNEWS)