Pumpboat nakaligis og whale shark

CEBU, Philippines - Hapit mabungkag ang pumpboat nga gisakyan ni Lapulapu City Administrator Teodolo “Teddy” Ybanez human kini makaligis og whale shark didto sa kadagatan sa isla sa Mactan atol sa “Fluvial Procession” sa imahin sa Berhen sa Regla kagahapon sa buntag.

 Atol sa maong procession kalit lamang mihunong ang pumpboat nga gisakyan ni Ybanez uban ang pipila ka mga kawani sa City Assessors office human kini mountol didto sa kadagatan sa Brgy. Agus.

Gidudahan nilang nakaligis kini og “whale shark” ug dihang naigo sa timon sa pumpboat nakatidlom usab dayon ilawom sa dagat ang maong isda.

Samtang gihulagway ni Lapulapu City Police Office Director P/SSupt. Mariano Natu-el nga hapsay ang gipahigayong Fluvial Procession. (BANATNEWS)