Talisay Comelec naghuwat sa reklamo
CEBU, Philippines - Gipaabot sa Commission on Elections (COMELEC) sa dakbayan sa Talisay nga mosumiter ang mga nakadaog nga kandidato sa milabay’ng eleksyon sa ilang Statement of Contribution and Expenses (SCE) ngadto sa ilang buhatan.
Kini samtang si Mariela Remoroza, ang assistant election officer sa maong dakbayan mibutyag sa Banat News nga wala pa gyuy bisan usa ka kandidatong nakadaog nga mitunol sa ilang SCE sa ilang buhatan. Apan matud pa ni Remoroza nga ila nang gipadad-an og mga porma sa SCE ang mga hingtungdan apan wala pay mitunol og balik niini ngadto sa ilang buhatan.
Matud pa ni Remoroza nga mahinungdanon kaayo kining SCE sanglit dinhi masayran sa Comelec kun pila gyud ang nagasto sa usa ka kandidato sa ilang pangampanya niadtong election sa barangay ug Sangguniang Kabataan sa milabay’ng Oktobre 25. Sa samang higayon gibutyag usab ni Remoroza nga hangtod kagahapon wala silay nadawat nga mga reklamo gikan sa mga kandidato kalabot sa ilang nasinatian sa milabay’ng eleksyon. (BANATNEWS)
- Latest
- Trending
