Namatay sa pagdakdak

CEBU, Philippines - Namatay ang 19-anyos nga batan-ong giingong Youth Pastor nga gidakdakan og bato sa usa ka problemadong bana niadtong Oktubre 22 sa barangay Poblacion lungsod sa Sibonga. Ang biktima nga si Ricarido Langga, 19 , taga barangay Bahay sa maong lungsod gikompirmar ni PO2 Joey Moreno nga mipanaw na niadtong Oktubre 26 alas-11 sa gabii sulod sa tambalanan base sa gibutyag sa ig-agaw niini nga si Selena Sanchez. Kasong murder na karun ang atubangon sa suspetsado nga si Felix Niere, 31, tungod sa gidangatan ni Langga.

Kahinumduman nga niadtong Oktubre 22 sa gabii kalit nga gihampak og bato ug gidakdakan ang ulo sa biktima ni Niere. Nasuta nga nasuko kini tungod kay wala molahos ang nasakyang minibus padulong sa Boljoon, giingong naglabad ang ulo niini tungod kay operahanan ang asawa niini sa tambalanan ug walay kwartang magamit. (BANAT)