Pintor nagmotor gipusil angol

CEBU, Philippines - Wala na makalahos sa ilang balay ang usa ka pintor human kini pusila sa wala hiilhing criminal samtang nagsakay sa motorsiklo   didto sa barangay Tunghaan ,lungsod sa Minglanilla niadtong Miyerkules sa alas 6:00 sa hapon.

Ang biktima mao si Elezar Paragozo Bacarro, 32 , minyo, nga taga barangay Cantao-an lungsod sa Naga ,ug usa ka pintor nga nag-sideline usab og drive sa habal habal.

Si PO1 Edwin Camuta sa Minglanilla Police mibutyag sa Banat News nga padung nang mopauli sa ilang balay gikan sa trabaho ang biktima ug misakay kini sa iyang   motorsiklo.

Apan samtang nagdagan ang motorsiklo, pag-abot sa nahisgutang lugar kalit lang siyang gipusil ug nasabak ang iyang liog kansang bala milapos sa iyang ilong.

Dali siyang gihatod ngadto sa Minglanilla District Hospital ug gibalhin sa Vicente Sotto Memorial Medical Center.

Ang miresponding mga polis nakapunit og kabhang sa bala sa .45 kalibre nga pistola nga maoy gituohan nilang gigamit sa pagpusil sa biktima. Padayon pang gipangita karon sa kapolisan ang mipatay sa biktima. (BANAT)