Bawal ang molimos

CEBU, Philippines - Gipasidan-an na usab sa Cebu City Anti Mendicancy Task Force (CCAMTF) ang publiko nga dili mohatag og limos sa mga makililimos sa kadalanan lakip na sa mga manaygonay sa mga PUJ aron dili kini mogara.

Si Isabela Ganub, hepe sa CCAMTF nagkanayon nga gidoble nila karon ang ilang operasyon batok sa mga manaygonay sanglit adunay uban kanila nga magbinuang   sama sa pagpanglabni sa mga butang sa pasahero.

Ang CCAMTF nakigdugtong sa mga onse ka mga police station sa siyudad aron labing molig-on ang ilang puwersa sa paggukod sa mga isnatser nga nagpakaaron ingnon nga manaygonay.

“Dili na sila (manaygonay) angayan tagaan, kay mogara mana sila, maong pahimangno nako sa katawhan nga dili tagaan og kuwarta ang makililimos ug mga manaygonay aron sila mosamot kadasig sa panaygon sulod sa sakyanan,” matud pa ni Ganub.

Nagkanayon si Ganub nga kinahanglan nga motuman ang mga tawo sa City Ordinance 1631 nga nagdili sa paghatag og kuwarta ngadto sa makililimos aron dili sila makamulta og P1,000.  – BANAT NEWS