Nalup-og namatay

CEBU, Philippines - Usa ka tawong gituohang adunay sakit ang kalit lang nalup-og ug namatay diha sa gibarogan niini atubangan sa usa ka bakery sa dalan M.C. Briones sa barangay Guizo, dakbayan sa Mandaue. Si PO1 Roldan Dalingding sa Investigation Detection and Management Bureau (IDMB) miila sa maong tawo nga si Adjorn Marnie Argalon, 26, taga Estancia Ibabao sa dakbayan sa maong dakbayan. Giingong nagbarog-barog lang si Argalon dihang kalit kining natumba ug napantok ang ulo sa sementadong karsada. Ang mga motorista nga nahiagi sa maong dapit mao nay midala kaniya sa Mandaue City District Hospital apan usa ka Dr. Annabelle Sevilla sa nahisgotang tambalanan mideklarar niini nga dead on arrival.  – BANAT NEWS