Karsada sa Mandaue mora'g sapa

CEBU, Philippines - Naproblema ang mga motorista nga moagi sa mga dalan sa dakbayan sa Mandaue sa panahon sa ting-uwan tungod sa lunop sa kadalanan nga ilang masinatian.

Niadtong miaging adlaw sa pagbunok sa kusog nga ulan nasaksihan sa mga motorista nga naingon na og sapa ang kadalanan sa Mandaue nga susama usab sa mga kadalanan sa dakbayan sa Sugbo.

Sa dalan A.S, Fortuna sa barangay Banilad may mga tindahan nga gisanapan sa taga tuhod nga tubig nga nagdala og daghang basura busa nahimong basurahan ang maong mga tindahan.

Ang mga molupyo sa maong lugar nga nahinabi sa Banat News  mibutyag nga dugay na silang nag-antos sa maong problema apan wala gyud hatagi og pagtagad sa kagamhanan sa dakbayan.  (BANAT NEWS)