CEBU, Philippines - Usa ka katabang sa kantena ang napalgang nagbitay sulod sa kasilyas sa iyang gitrabahoan sa construction site sa Primary Structure sa Ayala Business Center sa miaging kaadlawon.
Ang naghikog nailhan nga si Melvin Gilvano, 20, nga lumad nga taga Moncaya, Compostela Valley.
Sa inisyal nga imbestigasyon sa kapolisan nasayran gikan sa usa ka ginganlan og Noreen kinsa maoy nakabasa sa usa ka suicide note nga gibutang duol sa pansayan nga sirado.
Tungod kay dili siya makaagi, si Noreen misaka sa atop sa pansayan ug didto iyang nakita si Gilvano nga nagbitay na kansang liog gihiktan og usa ka electrical wire.
Busa iya dayong gitaho ngadto sa kapolisan.
Sa suicide note , nangayo og pasaylo si Gilvano ngadto kang Aramy Diaz nga iyang amo ug kang Yulo Rosario nga amahan ni Noreen. (BANAT NEWS)