CEBU, Philippines - Gipriso sa kapolisan sa Mandaue ang duha ka bayong-bayong kinsa nadakpan pinaagi sa warrant of arrest nga giluwatan sa korte.
Ang orden de aresto giluwatan ni Judge Marilyn Yap sa Branch 28 sa Regional Trial Court sa maong dakbayan batok sa duha ka mga batan-ong nag-edad og 17 ug 15 anyos kinsa pulos nag-atubang og kasong pangawat.
Si SPO2 Danilo Ibarreta mibutyag nga dugay nilang nadakpan ang duha kay puwerting nakatago niini.
Unya sa miaging semana nasayran nila nga namauli na sa Mandaue ang duha gikan sa pagtago-tago niini sa laing lalawigan.
Maoy hinungdan nga gipanid-an dayon ang mga pinuy-anan niini ug dihang nasuta sa kapolisan nga diha na ang ilang gipangita, gironda dayon nila ang balay niini ug didto nasikop ang duha.
Si Ibarreta miingon nga sanglit pulos man menor de edad, ila kining itunol ngadto sa Social Welfare Services and Development (DSWD) office sa maong dakbayan. – BANAT NEWS