3 kandidato na-disqualified

CEBU, Philippines - Tulo ka mga mokandidato unta og posisyon sa barangay ang wala maka-file sa ilang mga certificates of candidacy (COCs) human mangalutsi og warrants of arrest samtang ang duha na-disqualified tungod sa ilang kapakyas pagsunod sa mga rekisitos. Gidakop ang magpasubli unta nga si Norma Borlas Nacion, 57, kapitana sa barangay Sumon sa lungsod sa Tuburan diha sa gawas nga bahin sa buhatan sa Comelec niadtong milabay’ng adlaw alas 2:15 sa hapon.Kini human malutsi og ‘alias warrant’ sa kasong robbery in band and multiple murder nga giluwatan ni Regional Trial Court Judge RTC Toledo Branch 59 sumala pa ni Sr. Insp. Mark Gifter Sucalito hepe sa Tuburan Police dihang nahinabi sa Banat News.

Samtang sa dakbayan sa Talisay, duha ka mikandidato sa pagka-kagawad sa San Isidro ug barangay Mohon nga sila si Jerry Magdadaro ug Carlos Basallo ang na-disqualified tungod kay wala katuman sa rekisitos matud ni Talisay City Comelec officer Corazon Moran.Si Moran mibutyag nga si Magdadaro mokandidato unta sa pagka-kagawad sa San Isidro nasutang dili rehistradong botante sa nahisgutang barangay ug kini rehistrado sa barangay San Roque.Samtang si Basallo kinsa modagan isip Sangguniang Kabataan chairman sa barangay Mohon nasuta nga dili rehistradong miyembro sa Katipunan ng Kabataan sa Talisay.  – BANAT NEWS