Chopper sa PAF nag-emergency landing

CEBU, Philippines - Usa ka helicopter sa Armed Forces of the Philippines (AFP) nga gikan naghatod og mga sundalo nag-emergency landing sa Northern Samar human makasinati og problema sa ilang makina pasado alas- 4 sa miaging hapon.

Ang UH-1H Huey helicopter nga gi-pilotohan ni Capt Alexon Ramos ug Capt. Arellano Kermit II daling mipatugpa niini ug luwas nga nakalingkawas sa disgrasya uban sa ilang crew.

Matud pa sa tigpamaba sa Public Information Office (PIO) Maj. Christopher Tampus nga kagahapong adlawa ang technical team sa Airforce nagpadala na og laing duha ka helicopter nga maoy mohatud sa mga sundalo sa duol nga kampo.Midugang si Tampus nga nagdala usab og mga kahimanan aron ayuhon ang abyon aron makabalik kini og lupad. – BANAT NEWS