Walo sikop sa Kamagayan

CEBU, Philippines - Walo ka mga tawo ang nadakpan sa kapulisan, tulo niini nasakpan sa akto nga nag-inject og nubain (Nalbuphine Hydrochloride) samtang ang lima diha sulod sa balay nga suyopanan atol sa gihimong saturation drive diha sa barangay Kamagayan kagahapon sa ala-una sa hapon.

Ang mga nadakpan sa akto nga nag-inject og nubain giila sa kapulisan nga mao ang duha ka 17-anyos nga taga Mambaling ug taga Capitol Site ug Lester Dela Peña, 21, taga Kamagayan.

Samtang ang lima giila nga mao sila si Edgar Nellas, 51, taga Kamagayan, Calo Labra, 18, taga Camputhaw, Elmer Mondejar, 19; Janmar Emporoso, 18, ug Joege Ardiente, 18, pulos residente sa Pung-ol barangay Sibugay.

Narekober sa ilang posesyon ang lima ka ampules sa nubain, lima ka ginamit nga syringes, lima ka disposable syringes ug walo ka basiyo sa nubain ampules, kasong kalapasan sa City Ordinance 1427 ang ilang atubangon.  – BANAT NEWS