CEBU, Philippines - Gikatakda ang panagtagbo nila ni Mayor Jonas Cortes ug Dr. Paulos Marie Canete karong Oktubre 8 niining tuiga sumala ni Director Marilyn Torres Galvez, sa Ombudsman.
Naglambigit gihapon ang maong panagtagbo sa kasungian sa Mandaue City College nga nabahin sa duha, ang gidumala ni Dr. Susana Cabahug sa Mandaue City Sports and Cultural Complex campus sa sitio Tribunal sa barangay Centro ug ang gidumala ni Dr. Cañete sa Tipolo campus.
Ang kamandoan sa Ombudsman sa ilang panagtagbo ni Cañete ug Mayor Cortes, gihimo agi og pagtuman sa awhag sa Commission on Higher Education (CHED) nga nagtugot sa MCC nga gidumala ni Dr. Cabahug sa pagtanyag og tulo ka mga kurso nga naglakip sa Bachelor of Science in Education ug uban pa.
Sa nasayran nga unang giawhag sa ulohang buhatan sa Ombudsman ang panagtagbo ni Cañete ug Cortes sa miaging Septiyembre 23 niining tuiga.
Apan napakyas sa pagtambong ang mayor sa dakbayan ug nagpadala lamang sa iyang mga abogado isip representante.