Gasa sa Gugma sa vendors gilusad

CEBU, Philippines - Gilusad na kagahapon sa siyudad sa Sugbo ang “Gasa sa Gugma” nga gitumong aron magpabiling limpiyo ug presentable ang Osmeña Boulevard. Kini maoy gisaad ni Mayor Michael Rama ngadto sa mga vendors niadtong eleksiyon.

Giingong gatusan kapin ka mga vendor sa maong dalan ang apud-aporan og uniporme nga stalls apan kinahanglan motuman sa palisiya nga one-side vending lang ug human og pamaligya hiposon ang mga stall.

Gawas niini, makuhakuhaan usab ang kahuot sa trapiko kun ipadayon ang nahisgutan nga palisiya.

Dili usab mahimong ibilin ang mga butang aron dili makahugaw sa palibot ug gidid-an usab ang mga tindera nga matulog sa stall.

Ang tsirman sa programa nga si Dennis Jabonero nagkanayon nga sa sunod nga mga adlaw mohulma usab sila og dugang mga palisiya aron hingpit nga molampos ang programa. - BANAT NEWS