Tinubdan sa balita gipaila

CEBU, Philippines - Gibutyag sa mga sakop sa media sa Sugbo ang nag-una nilang mga tinubdan sa balita dungan sa pag-tak-op sa ilang kasaulogan sa 16th Press Freedom Week.

Nalakip sa listahan mao sila si Cebu Provincial Police Office chief, Erson Digal, Board Member Agnes Magpale, Cebu Business Club President Dondi Joseph, Cebu City Treasurer Ofelia Oliva, Regional Trial Court Judge Meinrado Paredes, Lapu-Lapu Police Director Mariano Natuel, Talisay City Police Director Henry Biñas, Visayan Electric Company Communications Manager Ethel Natera ug ALA President Antonio Aldeguer.

Ang nahisgutang mga ngalan maoy napili sa napulo ka beat organization.

Ang mga sakop sa media mihatag og grado sa ilang mga tinubdan sa mga balita base sa maayong gipakita nga batasan sa pagtubag sa ilang mga pangutana.

Pipila sa gibasehan nila sa paggrado mao ang   sayon nga maduol sa media , ang respeto niini, ug ang   pagpatigbabaw sa ilang kamatinud-anon sa pagbutyag sa tinuod ngadto sa mga tigbalita.

Ang napulo ka beat organization naglangkob sa Defense PNP Press Corps (Depp) ,Cebu Economic Journalists Association (Ceja) ,Regional Journalists in Cebu (Rejoice) , City Hall Association of Reporters in Media (Charm), Capitol Association of Reporters in Tri-Media (Cart), The Association of Reporters in Mandaue and Lapu-Lapu in Truthful Excellence (Armalite), Media in Cebu South (Mics) , Media Alliance for Law, Liberty, Equality and Truth (Mallet) , Sports Correspondents and Reporters (Score) ug ang grupo nga gitawag og Photojournalists and Cameramen (Lens).  (BANATNEWS)