World Vision mitukod og grupo

CEBU, Philippines –  Ang World Vision motukod og usa ka grupo nga maoy tahasan sa pagsulbad sa suliran sa kagutom ug kakabos.

Ang maong grupo maoy magsilbing core group o pundok nga maoy manguna sa tanang aktibidad nga may labot sa pagpagaan sa panginabuhi sa tanang katawhan sa Central Visayas.

Gisakpan ang core group sa mga doctor, nurse, health worker, nutritionist ug uban pa nga maoy moamping sa matag pamilya ug panimalay sa mga molupyo.

Atol sa usa ka press conference , ang mga representante sa World Vision nagkanayon nga matag tuig mokabat sa 9 ka milyon ang mga kabataan mangamatay gumikan sa nagkalainlaing balatian, ug katunga niini nangamatay gumikan sa kakuwang sa kaon.

Gumikan niini gitukod karon sa World Vision ang   mga programa nga may labot sa health ug nutrition ug panginabuhi aron makab-ot ang pangandoy niini nga mahaw-as sa kakabus ang nasud ug maluwas gikan sa nagkalainlaing matang sa balatian   ang katawhan ilabi na ang gagmay’ng kabataan. (BANAT NEWS)