Gikang nag-inom gipusil patay

CEBU, Philippines - Usa ka 32 anyos nga lalaki nga gikang nakig-inom sa iyang mga higala, gipusil patay samtang natulog sa ilang pinuy-anan didto sa barangay Tutay, lungsod sa Pinamungahan, sa miaging gabii. Ang biktima mao si Bertuldo Mangilimotan, 32, minyo, nga taga Tutay.

Segun sa report nga nadawat sa operation branch sa Cebu Provincial Police Office (CPPO) nasayran nga nakig-inom ang biktima sa iyang mga higala gawas sa ilang balay.

Sa dihang hubog na kini, misulod siya sa ilang balay ug natulog apan may wala hiilhing tawo nga milili sa giwang sa bongbong ug giwalis kini ug didto gipalusot ang sumbohan sa wala matinong kalibre sa armas ug gipusil ang biktima.

Ang biktima nga naigo sa dughan, namatay dihadiha ug nakasibat dayon ang kriminal.

Padayon pang gipanid-an karon sa kapolisan ang suspetsado. (BANAT NEWS)